Қарағандыда судья пара алу кезінде ұсталды
07.02.2021
Жаңалық
5
Әлеуметтік желіде судьяның пара алғаны жөнінде тараған ақпарат расталды. Ұсталған адамның аты-жөні, пара мөлшері туралы ресми органдар мәлімет таратқан жоқ, деп хабарлайды Arasha.kz.
Қарағанды облысы мамандандырылған ауданаралық экономикалық сотының судьясы пара алып жатқан жерінде пұлтартпас айғақпен қолға түсті.
«Сыбайлас жемқорлыққа қарсы іс-қимыл агенттігі Жоғарғы Соттың Ішкі қауіпсіздік қызметімен бірлесіп, Қарағанды облысы МАЭС судьясын пара алу кезінде ұстады. Тергеу амалдарының жүргізілуіне байланысты басқа ақпарат жарияланбайды»,- деп жазды Қарағанды облыстық сотының баспасөз қызметі Facebook парақшасында.
Айта кетсек, осыған дейін әлеуметтік желілер мен интернет-мессенджерлерде тараған мәліметтерде судьяның 6 ақпан күні 30 мың еуро көлемінде пара алғаны туралы ақпарат тараған болатын.
Ұқсас жаңалықтар.
Бөлісу:
