Жалақыны көтеруді талап еткен күзетшілер жұмыстарын тоқтатты
27.09.2022
Оқиға
5
Атыраулық «KMG Security» компаниясының қызметкерлері жалақыларының көтерілуін талап етуде. 30 күзетші сұраныс орындалмаса жұмысты жалғастырмайтындарын айтады, деп жазды BAQ.KZ.
Өңірдегі ірі мұнай компанияларын күзететін қызметкерлер осы уақытқа дейін 80 мың теңгеге күн көріп келген. Алайда мұндай еңбекақы отбасын асырауға жеткіліксіз дейді олар.
Наразылықтарын бұған дейін де бірнеше мәрте білдірген азаматтарға мекеме басшылығы жалақыны 50 пайызға көтеремін деп сөз берген екен. Алайда 4 ай бұрын болған жоспар құр сөз жүзінде қалған.
«Біз 30 күн бойы тынбастан еңбек етіп, адал жолмен тапқан табысымызды ғана сұраймыз. Бұған дейін де бізге бірнеше рет уәде берілген. Бірақ ешқандай жағдай жасалмайды. Басқа баратын жеріміз жоқ», - дейді күзетші Рауан Ибатолла.Қызметкерлердің базынасынан бүгін ғана хабардар болған сыңай танытқан «KMG Security» компаниясы Атырау облыстық филиалының директоры проблеманы жақын арада шешетінін айтты.Шарасыз азаматтар жалақының көтерілетініне әлі де сенбейді. Сол себепті проблема бірыңғайланып, тиісті жағдай жасалмаса қызметті жалғастырмаймыз деп бекініп отыр.«Кеше қажетті құжатқа қол қойылды. Қызметкерлерге барлық жағдай түсіндірілді. Жалақыны 50 пайызға көтеретін болдық. Мамандарды арнайы әлеуметтік пакеттермен қамту да жоспарда бар», - дейді компания басшысы Серік Мұқажанов.
Ұқсас жаңалықтар.
Бөлісу:
