Қар көшкіні Богданович мұздығы асуынан жоғары, сол жақ Талғар ауданында болды. Бұл туралы Алматының «Шымбұлақ» тау-шаңғы курортының диспетчері хабарлады.

«Хабарлама 14:57-де түсті. Алдын ала мәлімет бойынша, зардап шеккендер бар, бірақ толық ақпарат әлі анықталған жоқ», - деп мәлімдеді Алматы қаласының құтқару қызметі.

Оқиға орнына бес құтқарушы жіберілді. Сондай-ақ, итпен бірге кинолог та жіберілді. Құтқару жұмыстары жалғасуда, толық мәліметтер нақтылануда.