Қазір осы сәттерде 60 жастағы Шерзат Болаттың әжесі сотта куәлік етіп жатыр.

Ол немересі қаза тапқан күні жұмыстан келіп, шай ішіп отырғанын айтты.

«Менің жұмыс күнім таңғы 10-нан кешкі 22.00-ге дейін. Каржаубай хабарласып, Шерзатты сабап кеткенін айтты. «Тыныштық па?» – деп сұрадым. Ол: «Тыныштық» деп жауап берді», – деді әжесі.

Бірақ әже жүрегіне бір нәрсе сезілгендей болып, келінімен бірге оқиға орнына барған.

Әжесі онда халықтың көп жиналуын күтпегенін айтты.

«Пышақ және басқа да жағдайлар туралы білгенімде – бірден полиция мен жедел жәрдем шақырар едім. Бұл оқиғаны еске алу өте ауыр. Кісі өлтірушілердің бетіне сотта қарап отыру да оңай емес», – деді ол.

Сондай-ақ, ол айыпталушылардың «нақты өлтіруге келген» деп есептейтінін айтты, өйткені олар үш көлікпен дайындалып келген.