Тоқаев Қазақстанның Ауғанстанмен іскерлік байланыстар орнатуға дайын екенін хабарлады
09.09.2021
Жаңалықтар
5
Мемлекет басшысы Қасым-Жомарт Тоқаев елшілер алдында Қазақстанның Ауғанстандағы ахуалға қатысты қабылдаған шешімдері жайлы айтты.
Бұған қоса, мемлекет басшысы тәліптер келіссөздерге дайын болады деген үмітте екенін жеткізді. “Әзірге Ауғанстандағы дүрбелең өңірлік қауіпсіздік проблемаларына назар аудартып тұр. Қазақстан зорлық-зомбылықтың, заңсыз есірткі айналымының және Ауғанстаннан тыс жерлерге бақылаусыз көшіп кетудің алдын алу мақсатында сіздердің елдеріңізбен ынтымақтастық орнатуға дайын. Тәліптер біртұтас, инклюзивті және өкілетті ұлттық үкімет қалыптастырып, өздерінің, шын мәнінде, байсалды позиция ұстанатынын және келіссөздерге бейілді екенін дәлелдейді деп үміттенемін”, – дейді президент. Айтуынша, қазіргі таңда Ауғанстаннан дағдарыс кезінде теріс айналмау маңызды. “Қазақстан Ауғанстанның өз ішінде және көршілерімен тату-тәтті, бейбітшілікте өмір сүретін тұрақты, егемен және біртұтас мемлекет болғанын қалайды. Біз елде қалыптасқан гуманитарлық қиыншылықтарды шешу үшін конструктивті іскерлік байланыстар орнатуға дайынбыз. Халықаралық қоғамдастық Ауғанстанды қазіргідей дағдарыс кезінде қиыншылықтармен бетпе-бет қалдырмауы керек. Керісінше, біз болашақта Ауғанстанның экономикалық және орнықты дамуы үшін барлық іс-әрекеттеріміз бен жоспарларымызды жұмылдыруымыз керек", – деп қосты ол.
Ұқсас жаңалықтар.
Бөлісу:
