Қылмыс әлемінің серкелері қолға түсті
14.09.2020
Жаңалықтар
5
Қазақстанның төрт қаласында арнайы операциялар өтіп, ұйымдасқан қылмыстық топтардың аса қауіпті лидерлері ұсталды. Бұл жайында Ұлттық қауіпсіздік комитетінің баспасөз қызметі хабарлады. «11 қыркүйекте біздің қызметкерлер ІІМ-мен бірлесіп бопсалаумен, рейдерлікпен және қару сатумен айналысқан "Алибов", "Ибрагимов" және "Махмудов" атты ұйымдасқан қылмыстық топтардың жолын кесті. Операцияларға "А" және "Бүркіт" арнайы бөлімшелері тартылды. Нәтижесінде Нұр-Cұлтан, Алматы, Ақтөбе және Қостанай қалаларында қылмыстық топтардың 15 лидері мен белсендісі қолға түсті. Олардың бірі Ресей Федерациясында бандитизм мен кісі өлтіргені үшін халықаралық іздеуде болған. Күдіктілерден қару-жарақ, оқ-дәрі және граната арсеналы тәркіленді», - дейді Ұлттық қауіпсіздік комитетінің өкілдері.
Қазіргі уақытта күдіктілер Нұр-Сұлтан полициясының уақытша ұстау изоляторына қамалған. Қолда бар дәлелдерді бекіту және қылмыстық әрекеттің өзге де эпизодтарын анықтау бойынша тергеу жүріп жатыр.
Фото мен видео Ұлттық қауіпсіздік комитетінің баспасөз қызметінен алынды
Ұқсас жаңалықтар.
Бөлісу:
