Елордада биыл 24 мың оқушы бірініші сыныпқа барады
25.08.2021
Жаңалықтар
5
Нұр-Сұлтанда бірінші сынып оқушыларының саны түлектер санынан 3,5 есе асады. Жергілікті әкімдік елордада қанша мектеп салынатынын айтты.
Халықтың жыл сайынғы өсуін ескере отырып, Нұр-Сұлтан әкімдігі оқу орындарының құрылысы бойынша жүйелі жұмыс жүргізуде. Егер өткен оқу жылында мектепті 7 мыңнан астам түлек бітірсе, жаңа оқу жылында 24 мыңға жуық жаңа оқушы келеді деп күтіліп отыр. Жыл сайын бірінші сынып оқушыларының саны түлектер санынан 3 еседен астам асады. Қала әкімі Алтай Көлгінов педагогтармен тамыз айындағы онлайн-кеңесте мектеп құрылысы туралы айтып берді.Нұр-Сұлтан қаласының әкімі биыл 15 мектеп салынатынын атап өтті, бұл – 40 мыңнан астам жаңа оқушы орны. Бұл 2020 жылмен салыстырғанда 2 есе және 2019 жылмен салыстырғанда 4 есе көп. Құрылыс кезінде мектептердің материалдық-техникалық жабдықталуы да ескеріледі: IT және STEM-кабинеттер арқылы оқушылар 3D-объектілерді құра алады, роботтарды үлгілей алады, ғылыми-техникалық білімдерін бірден практикада қолдана алады. Инклюзия, педагогикалық-психологиялық түзету кабинеттері және т.б. Оқу орындары қаланың барлық ауданында, соның ішінде тұрғын алаптарында салынуда. Оқу орындарына қажеттілік бар аудандарға назар аударылады. Елордада алдағы 5 жылда жол картасы аясында 67 мектеп салу жоспарланып отыр. Оқу орындарын салу, оның ішінде жеке инвестиция тарту есебінен жүргізілуде. Бұл үш ауысымды және оқушылары тым көп мектептердің проблемасын шешеді. Фото: Александр Куприенко
Ұқсас жаңалықтар.
Бөлісу:
