Ералы Тоғжанов айтуынша, Қазақстанда тұратын өзге ұлттардың қазақ тілінде сөйлеуіне болашақта мүмкіндік жасалады.

"Дегенмен, оны ары қарай дамытуымыз керек. Әсіресе, мектептер, колледждер, ЖОО-лар деңгейінде. Мектептердің өзінде сабақтардың 70% жуығы қазақ тілінде өтеді. Бұл үлкен жобалардың бірі. Қазіргі кезде ол Мәдениет және спорт министрлігінен білім саласына берілді. Демек, тілдің нақты әдістемесін жетілдіре отырып, әр қазақ баласына, санасына енгізіп, Қазақстанда тұратын бүкіл ұлттардың болашақта мемлекеттік тілде сөйлеуіне мүмкіндік жасалды. Бірақ оны жүзеге асыру бәріміздің мойнымызда», - деді Тоғжанов.

Мәжіліс депутаты Қазбек Иса мемлекеттік тілді міндеттейтін заң қабылдап, Конституциядағы тіл туралы 7-ші бапқа өзгеріс енгізіп, қазақ тілінің мемлекеттік тіл ретінде жеке дара статусын айқындау керектігі туралы үкімет басшысына сауал жолдаған болатын.