Тұрсынбек Қабатов, Ержан Максим, Динара Сәтжан және Азат Абыкен 6 шілде – Астана күніне орай бейне жазбалар жолдады. Жұлдыздар өз үндеулерінде Қазақстанның астанасы туралы қызықты деректер келтірді деп хабарлайды Нұр-Сұлтан қаласы әкімдігінің ресми сайты. «2016 жылдың 4 шілдесінде елордамыздың миллионыншы тұрғыны дүниеге келді. Қызымыздың есімін Саида деп атадық. Бүгін, 2020 жылы Нұр-Сұлтан халқының саны 1 млн 200 мың адамды құрайды. Жыл сайын біз көбейіп келе жатырмыз. Астана күні құтты болсын!»,- дейді журналист, тележүргізуші, fashion-продюсер Динара Сәтжан. [embed]https://www.youtube.com/watch?v=_9dFqM5RG5o&feature=emb_logo[/embed] Әнші, «Голос. Дети» конкурсының жеңімпазы Ержан Максим өзінің бейне құттықтауында қызықты деректерді келтірді. «Елорданың ең ұзын көшесі – Қабанбай батыр даңғылы. Оның ұзындығы 16 километр. Ол Нью-Йорктегі Авеню паркінен екі есе ұзын. Таза ауада жиі серуендеңіз! Аман болыңыз! Туған күніңмен, сүйікті қалам!» – деді Ержан Максим. [embed]https://www.youtube.com/watch?time_continue=4&v=T7N9Vu9pbr4&feature=emb_logo[/embed] Қазақстан астанасында 5 жыл бұрын дайындалған қазақтың ет тағамы Гиннесс рекордтар кітабына енді. «2015 жылы елордада салмағы 136,5 килограмм ет дайындалды. Оған 800 кг ет, 14 қап пияз, 300 кг ұн жұмсалды», – деді танымал жүргізуші Тұрсынбек Қабатов. [embed]https://www.youtube.com/watch?time_continue=16&v=0MZEIeXGio0&feature=emb_logo[/embed] Продюсер, жүргізуші, музыкант Азат Әбікен Ұлттық кітапхана туралы айтып берді. «Астананың сол жағалауында орналасқан ҚР Ұлттық академиялық кітапханасында 2,5 миллион кітап сақтаулы. Көбірек кітап оқыңыз, әлемдегі ең әдемі қалада рухани өркендеңіз. Нұр-Сұлтан қаласы, туған күніңмен!», – дейді Абыкен. [embed]https://www.youtube.com/watch?v=9VswTDhBq7A&feature=emb_logo[/embed] Жұлдыздар өз бейнежазбаларында тұрғындарды карантин режимі мен санитарлық нормаларды сақтауға шақырды. 6 шілдеде мемлекеттік мереке – Астана күні атап өтіледі.