Мүфтият «домбыра – харам» дегендерге жауап берді
28.09.2023
Мәдениет
9
Қоғамда ұлтымыздың сан ғасырлық тарихымен, мәдениетімен бітеқайнасқан домбыраға қатысты дау толастар емес.
Әсіресе дәстүрімізге жат діни ағымдардың жетегінде кеткен кейбір пенделер «домбыра – харам» дегенді жиі айтып жүр. Бүгін мүфтият сайтында осы мәселеге қатысты мақала жарияланды.
Астана қаласының бас имамы Ерболат Жүсіповтің мақаласында домбыраның тарихына кең тоқталып, ұлттық аспап жайлы нақты деректер келтірілген.
Ол осы орайда, Ислам шариғатының негізгі ұстанымын көрсететін қасиетті Құранның «Ағраф» сүресіндегі нақылды ұмытпаған жөн екенін ескертеді.
«Ғафу жолын ұста, ғұрыппен әмір ет және надандардан теріс айнал». Сондай-ақ, Абдулла ибн Масғұдтан (р.а.) жеткен хадисте Пайғамбарымыздың (оған Алланың салауаты мен сәлемі болсын): «Мұсылмандар жақсы деп есептеген нәрсе Алланың алдында да жақсы, мұсылмандар жаман деп көрген нәрсе Алланың құзырында да ұнамсыз», – дегені айтылады. Әрине қазақ пен домбыра ұғымы қашанда қос ішектей егіз, қос ішектей бірге болып қала бермек! Ұлттық жадымызда жатталып қос ішектен төгілген қоңыр әуен – халқымыздың үні. ЮНЕСКО-ның шешімімен домбыра мен күй адамзаттың материалдық емес, мәдени мұраларының тізіміне енгені де еліміз үшін айрықша мақтаныш. Өйткені ол – Қазақтың жаны, қазақтың домбырасы! – дейді Ерболат Жүсіпов.Arasha.kz
ФОТО: Ақорда
Ұқсас жаңалықтар.
Бөлісу:
