Ресейде заңсыз жүрген 49 мың қазақстандықты алып кетуге екі ай уақыт берілді
19.04.2021
Қоғам
4
Ресейдің ішкі істер министрлігі ТМД мемлекеттерінен Ресейде заңсыз жүрген азаматтарының 15 маусымға дейін елден кетуін талап етті. Олардың 49 мыңы Қазақстан азаматтары.
Достастықтың парламентаралық ассамблеясының отырысында ведомство басшысының орынбасары Александр Горовой ел аумағыда заңсыз жүрген азаматтар туралы ақпарат айтты.
Министрдің орынбасары көрсеткен Ресейдің ішкі істер министрлігінің статистикасына сәйкес, бүгінде Ресейде миллионға жуық заңсыз мигранттар бар: 332 мыңнан астамы Өзбекстаннан, 247 мыңы Тәжікстаннан, 152 мыңы Украинадан, 120 мыңы Әзірбайжаннан, 115 мыңы Қырғызстаннан, 61 мыңы Армениядан, 56 мыңы Молдовадан, 49 мыңы Қазақстаннан барған.
Желтоқсан айының ортасында Владимир Путин өзінің жарлығымен коронавирусқа байланысты мигранттардың Ресейдегі уақытша тұруын 2021 жылдың 15 маусымына дейін ұзартты.
Ұқсас жаңалықтар.
Бөлісу:
