Шымкенттің бұрынғы шенеунігі көпқабатты үйлерді күрделі жөндеуге бөлінген 89 миллион теңгені жымқырғаны үшін сотталды.

Қалалық құрылыс басқармасы басшысының бұрынғы орынбасары Серік Күшербеков 7,5 жылға бас бостандығынан айырылды. Ол бюджет қаражатын жымқыру, табысты заңдастыру және мердігер компаниялармен алаяқтық жасады деп танылды. Сонымен бірге құрылыс компаниясының директоры мен бұрынғы мемлекеттік қызметкер де кінәлі деп танылып, олар да сотталды.

78 үйді жөндеуге бөлінген қаржының едәуір бөлігі айыпталушылардың қолында қалған. Тіпті, ұрланған ақшаның бір бөлігіне Қытайдан электромобиль сатып алған. Үшеуі де кінәсін мойындамаған.