Алматы облысының полиция департаменті хабарлағандай, қылмыстық істің материалдарымен тараптар танысты, ал іс прокурорға жіберілді, содан кейін сотқа жолданады.

40 сот сараптамасы жүргізіліп, шамамен 200 куәгерден жауап алынды, барлық күдіктілердің айғақтары оқиға орнында тексерілді, сондай-ақ процестің қатысушылары арасында беттестірулер өткізілді. Қылмысқа қатысы бар барлық адамдарға құқықтық баға бере отырып, 8 бейнематериал зерттелген.

Қылмыстық істің көлемі 62 томнан тұрады, оған жиналған барлық дәлелдемелер, сараптамалық қорытындылар, жауап алу хаттамалары және басқа да материалдар кіреді.