Жемқорлыққа қарсы күрес ұлттық бюросы білім және ғылым вице-министрі Эльмира Суханбердиеваның үстінен іс қозғап, сотқа дейінгі тергеуді бастады, деп хабарлайды informburo.kz

"Білім және ғылым вице-министрі үстінен сотқа дейінгі тергеу басталғанын растаймыз" депті мемлекеттік қызмет және сыбайлас жемқорлыққа қарсы іс-қимыл агенттігінің баспасөз қызметі.

Білім және ғылым министрі Күләш Шамшидинова орынбасарына қатысты пікір білдіруден бас тартқан.

Эльмира Суханбердиева 2016 жылдан бері білім және ғылым вице-министрі қызметін атқарып келеді. Бұған дейін ол Нұр-Сұлтан қаласы білім басқармасын басқарған.