Ресей өз мамандары даярлаған COVID-19 вирусын анықтауға арналған тест-жүйесін Қазақстан мен орта Азиядағы бірқатар елдерге берді. Бұл туралы РФ Тұтынушылар құқығын қорғауды және адам қауіпсіздігін қадағалау бойынша Федералды қызметінің (Роспотребнадзор ред.) баспасөз қызметі  хабарлайды. " Роспотребнадзор жасап шығарған тест-жүйесі Еуразиялық Экономикалық Одақ мүшелеріне (оның ішінде Қазақстан бар ред.) және Әзербайжан, Өзбекстан Республикасы, Тәжікстан Республикасы, Түркменстан, Монғолия, КХДР және Иранға берді.  COVID-19 жаңа коронавирусына тест-жүйесі жалпы саны 800  зертханалық диагностика үшін берілді. Ол мамандарға 80 мың зерттеу жүргізуге мүмкіндік береді", -деп хабарлайды Роспотребнадзор. Тест-жүйесінің көбі Иранға  (500 жиынтық) жіберіліпті, себебі ол жақта коронавирусқа шалдыққандар саны 10 мыңнан асып, оның ішінде 429 қайтыс болды. Ақпан айының басында Қазақстан ресейден тест-жүйесін алған. Ол тест-жүйесі арқылы елімізде ешқандай науқас анықталған жоқ. Ал Армения мен Белоруссияда дәл осындай Ресейдің тест-жүйесі арқылы коронавирус жұқтырған науқастар анықталды. Тест-жүйесін Роспотребнадзорға қарасты «Вектор» вирусология және биотехнология ғылыми орталығы жасап шығарып жатыр.